من الأشياء اللي معروفة جدا في الكليات النظرية خاصة كلية الاداب
الملخصات
وبتزيد خاصة مع اقتراب الامتحانات
كتير اوي بنلاقي اعلانات عنها جوا الكلية
بيعملوا حاجة كده زي كبسولة لكل مادة
تتذاكر ليلة الامتحان
و تتحط في ورقة الاجابة
و مبروك عليكم المقبول
طول السنة الدكاترة بيحذرونا منها
و يحلفوا انه اللي هيكتب من الملخصات دي مش هينجح
وبم اننا في كلية اداب
و بم ان فيه دكاترة محترمين مش بيصححوا الورق
هما بصراحة قلة عندنا في القسم
لكن موجودين
تلاقي ناس كتير بتنجح من ذوي الكبسولات
الغريب بقي في الملخصات دي
انها مختصرة جدا جدا جدا
يعني الفصل الواحد في الحضارة مثلا بيتلخص في حوالي
من 10- 15 صفحة علي الاقل
بيلخصوه في ورقتين و اوقات اقل كمان
واحنا يا عيني
احنا يعني الناس اللي بتحب وجع القلب
الظلبة اللي بيقعدوا يقرأوا و يترجموا و يلخصوا
وبعدين يبدأوا يذاكروا
المهم احنا بنقعد نعمل الخزعبلات دي كلها و غالبا بتكون في اطول واغلس المواد
و في الاخر
برضه هي المقبول
(ده طبعا لان دكاترة المواد الرخمة اكترهم مش بيصححوا)
يعني في الاخر بعد ده كله بنتساوي
أكيد مش هنتساوي في المادة العلمية
و أكيد اللي بياخد ليسانس بالملخصات مش زي اللي بيطلع عينه في المذاكرة
لكن التقدير واحد في الاخر
واوقات كمان بتضرب مع ذوي الملخصات وبيجيبوا تقدير كويس
اللي محيرني بقي ازاي الناس دي بتقدر تذاكر من تلخيص غيرها
بغض النظر عن انه تلخيص اي كلام
انا لو فاتتني محاضرة مابعرفش انقلها من حد
ولو نقلتها بفضل شاكة فيها حتي لو جت في الامتحان بكتب الاجابة وانا مش مطمنة
مش عارفة بجد ازاي بيذاكروا منها
يمكن انا اللي اكون
PARANOID
??????
9 اشراقات الزوار:
أكيد مش هنتساوي في المادة العلمية
و أكيد اللي بياخد ليسانس بالملخصات مش زي اللي بيطلع عينه في المذاكرة
لكن التقدير واحد في الاخر
لكن الثواب مش واحد لأن المفروض ان الواحد بيحقق آيه الاتقان
و استحضار النيه اثناء المذاكره
يبقى اكيد مش فى تساوى
و دى زيها زى الغش
فى ناس بتغش و ناس لا ممكن الاتنين فى الاخر يتساو و يمكن اللى بيغش يجيب اكتر
لكن عند ربنا مش متساويين
و ده يهمنا اكتر
اللى عندك ده يا حبى ضمير صاحى
عارف ايه اللى عليه
و ايه اللى المفروض يعمله
يا بختك بيه يا ريته يكون عند الكل
ربنا يوفقك حبيبتى
و دعواتك ليا عشان حبدأ امتحانات اهو و ع آخرى و المواد زى العسل و الدكاتره بقى سكر جدا
مرحبا بكم في عصر الكروتة !
مرحبا بكم في عصر تجاهل الحديث : "إن الله يحب إذا عمل أحدكم عملا أن يتقنه"
ومرحبا بالطبع .. في عصر لا يصحح فيه الدكتور المسئول ورقة الإجابة !!
فكيف ننتظر من الطالب أن يهتم ؟؟
ولكن يبقى أن الله لا يُهمل ، ولا ينسى ، ولا يساوي بين كليهما !
---
وعلى مثل هذا الإتقان ..
قامت دولة الإسلام سابقا ..
وبثت علومها للعالم كله
وبدونه ..
ضاعت !
السلام عليكم
ومين سمعك ياختى انا اكتر منك
بس نعمل ايه حكم ربنا
واحنا عندنا مسمينها
كلية التجارة وكورسات الشطارة
الله يكون في عونكم اختنا الكريمة
والله انا لي راي في هذا ان المذاكرة من بداية العام ولو نصف ساعه فقط بتفرق في باقي السنة
ولو كفهم عام للمنهج
اعزكم الله ونفع بكم
ولكم منا تحيه
والسلام مسك الختام
يا سلام
على الاقل انتو عندكو ملخصات وبتجيبو مبلول
اما احنا عندنا فى المعهد المحترم بتاعنا
(مش صحيح طبعا)
مفيش ملخصات ولازم تذاكر من الكتاب
ابو 400 صفحه
عشان تجيب المقبول
بس الحمد لله انا مش بجيييب مقبول
عقبال اما نوصل للكليه
دعواتكم انا بامتحن
يا ربى غرباء حتى فى دى
لأ انت الصح و هما الغلط
ومن مفاهيم ديننا الاساسية حسن الأخذ بالاسباب
أعانكم الله
و استمرى فى الاجتهاد وربنا هيفتح عليك
بسم الله
عندك حق فى كلامك بس صدقينى الى بيتعبو دول ربنا عمرة مابيضيع اجر حد يااسراء والى ذاكر وجاب مقبول اكيد ربنا هينصرة هينصرة صدقينى ممكن الى جاب امتياز بالغش وكدة والملخصات الخيخه الى انا مش بحبها ابدا الشخص دة مش يتعين مثلا والتانى الى ذاكر هو الى يتعين
مش كل الى بيغش بيجيب انا من وجهه نظرى ان كل الى بيذاكر هو الى بيجيب وكفايه اننا نذاكر وندح لنفسنا ولا انتى رائيك ايه؟
تقبلى مرورى وتحيااااااتى ياقمر
مدونتك اكثر من رائعه
جيلان
أم حبيبة الحبيبة
طبعا كلامك صح
ربنا يثيبنا ويثبتنا و يهديني ويهديكي و نذاكر بجد
اللهم آمين
-----------
د. خبيب
أهلا بحضرتك في مصر في عهد الدولة المنوفية
اذا كان رب البيت بالدف ضاربا ............
صدقت
اللهم أعدها بنا
دعواتكم
----------
النجم القادم
كان الله في العون
احنا كمان عندنا كورسات خاصة في اللاتيني
بس مش كتير زي تجارة
شرفت
---------
قائد
حقا
جزاكم الله خيرا
اهلا بحضرتك نورت المدونة
----------
اوعي تفكر
اصلا حالنا يرثي ليه
يعني مش محتاج قر الله يكرمك
ربنا لايجعلك من المقبولين تقديرا و يجعلك من المقبولين عملا
جزاكم الله خيرا
---------------
حسام
بتمتحن وجاي هنا؟
انت ناسي انك شهادة ياناس
ربنا يوفقك
ذاكر علشان اجيبلك حاجة حلوة لما تنجح
-----------
د. نصيف
يارب اكون انا الصح
و ربنا يهدينا كلنا للصح
و حسن الاخذ بالاسباب و حسن التوكل عليه
فتح الله لك أبواب رحمته
--------------
جيلان
اهلا اهلا
مااقدرش اقول حاجة
كلامك مظبوط جدا
ربنا يكرمك
ويوفقك
أحبك في الله
إرسال تعليق